Xəzər rayonunda məktəbdə şagirdlər idman müəllimi tərəfindən döyülüb. Bu haqda 12 yanvar tarixində Təhsilforumu.az xəbər verib.
Binə qəsəbəsində yerləşən 117 saylı tam orta məktəbin şagirdləri idman müəllimi Kəmalə Qasımova tərəfindən döyülüblər. Valideyinlərin verdiyi məlumata görə, idman dərsi zamanı şagirdlər divarda şəkil çəkdikləri üçün müəllim onları cəzalandırıb.
"Qızım digər şagirdlər kimi markeri çıxarıb nəsə çəkmək istəyəndə idman müəllimi Kəmalə Qasımova markeri qızımın əlindən alıb, şagirdlərin gözü qarşısında başını dəfələrlə divara çırpıb və nalayiq ifadələr işlədib”, - valideyinlərin biri deyib.
“Adıçəkilən şagird markerlə idman zalının divarını yazmaq istəyərkən müəllim sinifə daxil olub və buna imkan verməyib. Şagirdin üzərinə qışqıraraq belə hərəkətlərin bir daha təkrarlanmamasını tələb edib", - məsələ ilə bağlı məktəb şikayətin əsassız olduğunu bildirilib.
Həmin müəllim şagirdə qışqırdığı üçün töhmət alıb.
