Paytaxtın Xəzər rayonunda meyiti tapılmış 4 yaşlı qız barəsində təfərrüatlar məlum olub. Bu haqda bu gün, 1 fevral tarixində Bakuplus.az İctimai TV-yə istinadən məlumat verir.
Hadisə Xaşaxuna bağları adlanan ərazidə baş verib. Azyaşlı Məryəm 10 gündür ki, itkin sayılırdı. Daha sonra o, yaşadığı evin həyətindəki su quyusunda aşkarlanıb. Uşağın quyuya yıxıldığı ehtimal olunur.
Qonşuların dediklərinə görə, Məryəmin valideynləri boşanıb və o, atası ilə yaşayırdı.
Ötən gün, 31 yanvar tarixində Xəzər rayonunda quyudan azyaşlı qızın meyitinin aşkarlanması barədə məlumat verilmişdir.
17:44 - Yenilənib:
Azyaşlının öldürüldüyü məlum olub. Atası 4 yaşlı qızını qonşusuna təhvil verərək işə gedib. Geri döndükdə isə uşağının qonşuda olmadığını görüb.
Bundan əlavə, Məryəmin cəsədinin üstünə torpaq atıldığı aşkarlanıb.
Şübhəli şəxs kimi 32 yaşlı Mehman Mansurov saxlanılıb.
