Xəzər rayonunda sakinlər məktəbin qabağında nasaz lyukdan şikayətçidirlər. Bu haqda 29 dekabr tarixində Bakuplus.az-a məlumat daxil olub.
Şağan qəsəbəsində avtomobil yollarından birinin tən ortasında kanalizasiya quyusunun ağzı düzgün ölçüdə quraşdırılmayıb. Yolun üstü ilə hərəkət edən avtomobil qapağı yerindən tərpədir və nəticədə quyunun ağzı açıq qalır. Sakinlər bildirirlər ki, lyuk 124 nömrəli tam orta məktəbin yanında yerləşir və burada oxuyan şagirdlərə təhlükə yaradır. Xüsusilə də axşam saatlarında problem təhlükəli hala çevrilir.
Qeyd edək ki, bu tip problemləri həll etmək üçün Onlayn İctimai Nəzarət Platforması fəaliyyət göstərir (www.enezaret.az). Vətəndaşların qarşınına açıq və nasaz lyuk çıxarsa, fotosunu çəkib, 0554502013 WhatsApp nömrəsinə göndərə bilərlər.
[caption id="attachment_22405" align="alignnone" width="800"] Foto Bakuplus.az[/caption]
