Bakıda Xocalı soyqırımının 30-cu ildönümünə həsr olunmuş “Xocalıya ədalət” beynəlxalq məlumat kampaniyası çərçivəsində fləş-mob keçirilib. Tədbir Azərbaycan Gənclər Fondunun dəstəyi, Azərbaycan Könüllü Təşkilatları İttifaqı və Azerbaijan Student Youth Organizations' Union-un dəstəyi ilə baş tutub.
Fləş-mobda müxtəlif təhsil müəssisələrindən 1000-ə yaxın azərbaycanlı könüllü və tələbə iştirak edib. Onlar Xocalı soyqırımını əks etdirən xoreoqrafik kompozisiya təqdim ediblər, digər iştirakçılar isə plakatlarla xoreoqrafların ətrafına toplaşıblar.
Kompozisiya şəhər sakinlərinin marağına səbəb olub, onlar da faciə qurbanlarının xatirəsini ehtiramla yad etmək və həmrəylik nümayiş etdirmək üçün gənclərə qoşulublar.
[URIS id=34981]
