Azərbaycan Tibb Universiteti “Heydər Əliyev ili”nə həsr olunmuş şahmat turnirinə ev sahibliyi edib. Bu haqda bu gün, 13 fevral tarixində BakuPlus.az Bakı Şəhər Gənclər və İdman İdarəsinə istinadən xəbər verir.
Turnirə Azərbaycan Tibb Universitetinin professor-müəllim heyəti arasında keçirilən yarışa kişilərdən və qadınlardan ibarət komandalar qatılıb. Digər institutlardan nümayəndələrin də iştirak etdiyi turnirin sonunda qaliblər müəyyənləşiblər.
Qadınlar arasında mübarizədə Elm və Təhsil Nazirliyinin akademik Y.H.Məmmədəliyev adına Neft-Kimya Prosesləri İnstitutunun əməkdaşı, texnika elmləri üzrə fəlsəfə doktoru, aparıcı elmi işçi Afina Əliyeva I, ATU-nun II Uşaq xəstəlikləri kafedrasının əməkdaşı İlhamə Hüseynova II, Əczaçılıq kimyası kafedrasının assistenti Könül Ağamirzəyeva III yeri tutublar. Kişilər arasında mübarizədə isə Hərbi cərrahiyyə kafedrasının müəllimi Asif Əhmədov I, universitetimizin tədris-idman kompleksinin əməkdaşı Mahir Abdullayev II, Psixiatriya kafedrasının baş laborantı Ziyadxan Abdullayev III yerə layiq görülüblər.
Qaliblər medal və diplomlarla təltif ediliblər. Birinci yerin sahiblərinə xüsusi kubok da təqdim olunub.
[caption id="attachment_90488" align="alignnone" width="640"]
Foto Bakı Şəhər Gənclər və İdman Baş İdarəsinin Facebook səhifəsi[/caption]
