Bakıda baş tutacaq atıcılıq üzrə dünya kubokuna hazırlıq işləri yekunlaşıb. Bu haqda BakuPlus.az Azərtac-a istinadən bu gün, 5 may tarixində xəbər verir.
Azərbaycan Atıcılıq Federasiyasının baş katibi Emin Cəfərov mayın 27-dən iyunun 7-dək Bakıda keçiriləcək dünya kuboku yarışında atletlərin güllə və stend atıcılığının 15 Olimpiya növündə mübarizə aparacaqlarını bildirib.
Yarışda Bakı Atıcılıq Mərkəzi dünyanın 70-dən çox ölkəsinin 700-dək idmançısını qarşılayacaq. Tanınmış atıcılar, dünya və Avropa çempionları, Olimpiya Oyunlarının qalibləri bu dəfə mükafatlar uğrunda Azərbaycanda yarışacaqlar.
2015-ci ildə istifadəyə verilmiş Bakı Atıcılıq Mərkəzi 16 hektar sahəni əhatə etməklə, infrastrukturu və təchizatı ilə Avropanın ən yaxşı 4 mərkəzindən biri hesab olunur.
