Bakı Su İdmanı Sarayında 11-12 fevral tarixlərində “Triterra Triathlon Club”ın təşkilatçılığı ilə “Aquathlon” yarışı keçirilib. Bu haqda bu gün, 13 fevral tarixində Bakuplus.az Azərbaycan Triatlon Federasiyasına istinadən məlumat verir.
Yarışda “Absolute” və müxtəlif yaş kateqoriyalarında 45 idmançı iştirak edib. Yarışın ilk günündə 1500 metr məsafəyə üzgüçülük yarışı keçirilib. İkinci gün 10 km qaçışa həsr olunub. Kişilər arasında “Absolute” kateqoriyasında Toğrul Məmmədli, Kam Bular və Vitaliy Yakovlev qalib olublar.
Qadınlar arasında birinci yeri Fatimə Əlkərəmova, ikinci yeri Natalya Mordasova, üçüncü yeri isə Adilə Süleymanova tutublar. Komandalar arasında 3 qalib müəyyənləşib: birinci yeri “SC Triterra”, ikinci yeri “SC Alfatriclub”, üçüncü yeri "TriStar" idman klubu tutub.
Tədbir Azərbaycan Triatlon Federasiyasının, PMD Group-un və “Alufar” MMC-nin dəstəyi ilə keçirilib.
[URIS id=90521]
