Bakıda stolüstü tennis turniri təşkil olunacaq. Bu haqda BakuPlus.az Azərtac-a istinadən bu gün, 5 may tarixində xəbər verir.
Azərbaycan Stolüstü Tennis Federasiyasının təşkilatçılığı ilə keçiriləcək turnir Əməkdar bədən tərbiyəsi və idman xadimi, Əməkdar məşqçi, Beynəlxalq dərəcəli hakim Sara Sultanovanın xatirəsinə həsr olunub.
Mayın 7-8-də baş tutacaq yarışda veteran idmançılar qüvvəsini sınayacaq. “Şüa” İdman-Sağlamlıq Kompleksində keçiriləcək turnirdə kişilər 40-49, 50-59, 60-64, 65 yaş və yuxarı, qadınlar isə 30-39, 40-49, 50 yaş və yuxarı yaş qruplarında mübarizə aparacaqlar.
Turnirin qalibləri Azərbaycan Stolüstü Tennis Federasiyası tərəfindən mükafatlandırılacaqlar.
