“Sabah”ın ispaniyalı futbolçusu Con İrasabal və “Səbail”in kapitanı Rahid Əmirquliyevin cəzaları məlum olub. Bu haqda bu gün, 10 fevral tarixində Report məlumat verib.
AFFA İcraiyyə Komitəsi Premyer Liqanın XXI turu çərçivəsində baş tutan "Sabah" - "Səbail" matçında qırmızı vərəqə alan hər iki futbolçunu 1 oyunluq diskvalifikasiya edib.
Paytaxt klubları futbolçularının kobudluğuna görə 200 manat cərimə ödəməli olacaq.
Bundan əlavə, məlumat verilir ki, “Zirə” ilə matçda 4 futbolçusu sarı vərəqə ilə cəzalanan “Qəbələ” 800 manat cərimə olunub.
“Sabah” “Səbail”ə 4:0 hesabı ilə qalib gəlib, “Zirə” ilə “Qəbələ” bərabərə qalıb (2:2).
