Bu gün Bakıda bədii gimnastika üzrə Dünya Kuboku start götürəcək. Bu haqda BakuPlus.az Report-a istinadən bu gün, 22 aprel tarixində xəbər verir.
3 gün davam edəcək yarış Milli Gimnastika Arenasında təşkil olunacaq.
Azərbaycanı fərdi proqramda Arzu Cəlilova, Zöhrə Ağamirova, qrup hərəkətləri proqramında isə Güllü Ağalarzadə, Ləman Əlimuradova, Kamilla Əliyeva, Zeynəb Hümmətova, Yelizaveta Luzan və Darya Sorokina təmsil edəcəklər.
Yarışda ümumilikdə 33 ölkədən 44-ü fərdi və 96-sı qrup komandasının (15 qrup) üzvü olmaqla, 140 gimnast qüvvəsini sınayacaq.
Bu, Bakıda bədii gimnastika üzrə təşkil olunacaq 9-cu Dünya Kuboku olacaq.
