Bu gün Azərbaycan futbol üzrə Azərbaycan Premyer Liqasında XIII turun növbəti oyunları keçiriləcək.
Bakuplus.az xəbər verir ki, ikinci oyun günündə iki qarşılaşma baş tutacaq.
Günün ilk matçında "İmişli" Quba şəhər stadionunda "Sabah"ı qəbul edəcək. FIFA referisi Elçin Məsiyevin idarə edəcəyi görüş saat 14:30-da start götürəcək.
Günün digər qarşılaşmasında isə "Qarabağ" "Azersun Arena"da "Karvan-Yevlax"la üz-üzə gələcək. Baş hakim Kamranbəy Rəhimovun idarə edəcəyi oyun saat 17:00-da başlayacaq.
Qeyd edək ki, turun dünən keçirilən "Kəpəz" – "Zirə" oyunu qonaqların 2:0 hesablı qələbəsi ilə, "Turan Tovuz" – "Neftçi" matçı isə qolsuz bərabərliklə başa çatıb.
