Fevralın 4-də Bakıda Yaponiyanın 126-cı imperatoru Naruhitonun doğum günü münasibətilə aykido üzrə seminar keçiriləcək. Tədbir “Aykikay Azərbaycan Filial” idman zalında baş verəcək. Bu haqda bu gün, 31 yanvar tarixində Azərtac məlumat verib.
Tədbir Azərbaycan Aykikay Aykido Klubları İctimai Birliyi tərəfindən təşkil olunur. IV dan qara kəmər sahibi Elnur Nemətovun aparacağı seminara 50-yə yaxın idmançı qatılacaq.
Seminar zamanı məşq və nümunəvi çıxışlar nəzərdə tutulub. İştirakçılara sertifikat təqdim olunacaq.
