Azərbaycanın bədii gimnastika üzrə əməkdar məşqçisi, Azərbaycan Respublikası Prezidentinin fərdi təqaüdçüsü Nina Hacıbəylinskaya 95 yaşında dünyasını dəyişib.
Bu haqda məlumat bu gün, 9 fevral tarixində Azərbaycan Gimnastika Federasiyasının (AGF) rəsmi saytında verilib.
1927-ci ildə Bakıda anadan olan Nina Fyodorovna Hacıbəylinskaya ömrünü idmana həsr etmişdir. O, bədii gimnastika üzrə SSRİ idman ustası, SSRİ çempionatının bürünc mükafatçısı, ümumittifaq dərəcəli hakimi olmuşdur. Həmçinin, Hacıbəylinskaya, gənclər və böyüklərdən ibarət komandaların baş məşqçisi kimi fəaliyyət göstərmişdir.
