Azərbaycan Televiziyasının qocaman əməkdaşlarından biri, Əməkdar Mədəniyyət İşçisi, operator Nəriman Şıxəliyev vəfat edib. Bu haqda bu gün, 3 fevral tarixində AzTV öz Facebook səhifəsində məlumat paylaşıb.
Nəriman Məşədi Səttar oğlu Şıxəliyev 1934-cü ilin 14 oktyabr tarixində Bakıda anadan olmuşdur. 1956-cı ildən Azərbaycan Dövlət Televiziyasında fəaliyyət göstərmişdir. Bu illər ərzində o, “Ekran” yaradıcılıq ictimaiyyətində çoxlu televiziya filmləri istehsal etmişdir. 2006-cı ildə “Tərəqqi” medalına layiq görülmüşdür.
