Heydər Əliyev Beynəlxalq Aeroportunda saxta pasportla son beş gün ərzində 10 nəfər saxlanılıb. Bu haqda bu gün, 15 mart tarixində Bakuplus.az Dövlət Sərhəd Xidmətinə istinadən xəbər verir.
11 mart tarixində İzmir - Bakı reysi ilə gələn 2 İran vətəndaşı saxta Yunan və Fransız pasportları ilə tutulublar.
12 mart tarixində Türkiyə vətəndaşı 22 yaşlı Demirkıran Çekdar həmin istiqamətdə gəlib daha sonra İnqiltərəyə uçmaq istəyən zaman saxta Böyük Britaniya yaşayış kartı olduğu aşkar olunub.
Həmin gün Londona uçmaq istəyən digər İran vətəndaşı saxta Böyük Britaniya pasportu ilə ölkəni tərk etmək istəyən zaman saxlanılıb.
14 mart tarixində 5 nəfər Yəmən vətəndaşı Dohadan Bakıya saxta Malaysiya pasportu ilə gəliblər, ölkəyə daxil olan zaman tutulublar.
15 mart tarixində isə Azərbaycan vətəndaşı 24 yaşlı Vüqar Səidi saxta ABŞ vizası ilə ölkəni tərk etmək istəyərkən saxlanılıb.
Qeyd olunan şəxslər barəsində müvafiq tədbirlər görülüb.
