Bakı Dövlət Universitetinin dosenti vəfat edib. Bu haqda bu gün, 7 mart tarixində Bakuplus.az təhsil ocağının rəsmi Facebook səhifəsinə istinadən xəbər verir.
Filologiya fakültəsinin Ümumi dilçilik kafedrasının dosenti, filologiya üzrə fəlsəfə doktoru Məhəmməd Məmmədov 65 yaşında dünyasını dəyişib.
O, 1986-cı ildən BDU-nun nəzdində çalışırdı. 1983-1986-cı illərdə müəssisənin əyani aspirantı olub. 1994-2007-ci illərdə BDU-nun Filologiya fakültəsinin Ümumi dilçilik kafedrasında baş müəllim işləyib. 2008-ci ildən həmin kafedrada dosent kimi çalışırdı.
1987-ci ildə “Azərbaycan dilində feli adlar” adlı dissertasiyanı müdafiə edib və filologiya elmləri namizədi elmi dərəcəsini alıb.
