Vətəndaşa qarşı dələduzluqda təqsirləndirilən Sahil Abuşov və Qulu Muxtarovun cinayət işinin ibtidai istintaqı yekunlaşaraq məhkəməyə göndərilib. Bu haqda bu gün, 22 yanvar tarixində Report məlumat verib.
İşə Bakı Ağır Cinayətlər Məhkəməsinin hakimi Zeynal Ağayevin sədrliyi ilə baxılacaq.
İclasın tarixi və vaxtı barədə məlumat hazırda məlum deyil.
Təqsirləndirilən şəxslər Cinayət Məcəlləsinin Külli miqdarda ziyan vurmaqla dələduzluq maddəsi ilə ittiham olunublar. Belə ki, Sahil Abuşov və Qulu Muxtarov öz bizneslərini açmaq üçün Bakı Metropoliteninin sabiq rəisi Tağı Əhmədova məxsus 2 milyon manat pul alıblar. Pulu onlara Əhmədovun tanışı Soltan Əliyev verib. Buna görə də Əliyev iş üzrə zərərçəkmiş qismində tanınıb.
