Bakıda müəllimin döyülməsi faktı ilə bağlı cinayət işi başlanıb. Bu haqda 25 yanvar tarixində Daxili İşlər Nazirliyinin şöbə rəisi, polis mayoru Elşad Hacıyev məlumat verib.
Yanvarın 24-də sosial şəbəkələrdə məktəb müəlliminin gənc oğlan tərəfindən döyülməsini əks etdirən video yayılmışdır. Polisin keçirdiyi araşdırmalar zamanı məlum olub ki, hadisəni törədən 22 yaşlı Fərid Əfəndizadədir.
Faktla bağlı Cinayət Məcəlləsinin “Xuliqanlıq” maddəsi ilə cinayət işi başlanıb. Əfəndizadə tutularaq istintaqa cəlb edilib.
