Bakıda tanışını öldürməkdə təqsirləndirilən Zeynal Zeynalov 17 il müddətinə azadlıqdan məhrum edilib. Bu haqda bu gün, 29 aprel tarixində Report məlumat verib.
Bakı Ağır Cinayətlər Məhkəməsində hakim Fikrət Qəribovun sədrliyi ilə keçirilən iclasda hökm oxunub.
Bildirilir ki, hadisə ötən ilin iyununda paytaxtın Binəqədi rayonu ərazisində baş vermişdir. 1988-ci il təvəllüdlü Zeynalov aralarında yaranan mübahisə zamanı dostu, 1985-ci il təvəllüdlü Ramil Oruclunu bıçaqlayaraq öldürmüşdür.
Faktla bağlı Binəqədi rayon prokurorluğunda “Qəsdən adam öldürmə” maddəsi ilə cinayət işi açılmışdır. Zeynalov şübhəli şəxs qismində tutularaq istintaqa cəlb edilmişdir.
