Bakıda tanınmış klinika sertifikasiyanı keçməyən şəxsləri işə götürdüyünə görə cərimələnib. Bu haqda bu gün, 22 mart tarixində Qafqazinfo məlumat verib.
Medera Hospitalda aparılan yoxlama zamanı məlum olub ki, klinikada sertifikasiyadan keçməyən əməkdaşlara tibb və əczaçılıq fəaliyyəti ilə məşğul olmağa icazə verilib.
Bununla əlaqədar tibb müəssisəsi cərimə edilib. Tərtib edilmiş protokol məhkəməyə göndərilib. İşə Binəqədi rayon məhkəməsinin hakimi Abbas Rzayevin sədrliyi ilə baxılır.
Bu maddə ilə ittiham olunan hüquqi şəxslərə 6000 manatdan 8000 manatadək miqdarda cərimə nəzərdə tutulur.
