Paytaxtın 3 rayonu və Sumqayıt şəhərində narkotik alverinə qarşı genişmiqyaslı əməliyyat keçirilib. Bu haqda bu gün, 2 mart tarixində Bakuplus.az Daxili İşlər Nazirliyinə istinadən xəbər verir.
Binəqədi, Nəsimi və Sabunçu rayonları və Sumqayıtda 6 narkotacir tutulub. Ümumilikdə 70 kiloqramdan artıq narkotik maddə dövriyyədən çıxarılıb.
Onlar dəstə yaradaraq xaricdən gətirilən narkotikləri Füzuli rayonundan götürüb, yük avtomobili vasitəsilə Bakıya gətirirdilər.
Son 20 gün ərzində ölkə ərazisində keçirilən əməliyyat zamanı ümumilikdə 100 kiloqramdan artıq narkotik maddə, 1000 ədəddən çox psixotrop tərkibli həb və 4 kiloqrama yaxın civə dövriyyədən çıxarılıb, 38 nəfər saxlanılıb.
