Bakı-Quba yolunda baş verən qəzanın dəqiq yeri məlum olub. Hadisə magistralın 63 kilometrliyində baş verib. Bu haqda bu gün, 25 fevral tarixində Oxu.az məlumat verib.
“İsuzu” yük avtomobilini idarə edən 36 yaşlı Elnur Ağayev alın nahiyəsindən xəsarət alıb. Avtomobilə isə ciddi maddi ziyan dəyib.
Baş Dövlət Yol Polisi İdarəsindən bildirilib ki, həmin ərazidə bu gün ərzində 7 avtomobilin iştirakı ilə daha bir zəncirvari yol qəzası baş verib. Hadisədə yaralanan və yaxud ölən yoxdur. Avtomobillərə isə müxtəlif dərəcəli ziyan dəyib.
Qeyd olunur ki, qəzalara dumanlı hava və zəif görmə şəraiti səbəb olub.
Daha öncə, Bakı-Quba yolunda yük avtomobillərinin toqquşduğu məlum olmuşdur.
