Mingəçevirdə qadın vətəndaşlara qarşı 30 min manata yaxın dələduzluq edib. Bu haqda 13 iyun tarixində Report məlumat verib.
Mingəçevir şəhərində dələduzluq yolu ilə insanların etibarından sui-istifadə edərək onlara külli miqdarda ziyan vuran Bakı şəhər sakini Şəlalə İsmayılova saxlanılıb. O, işə düzəltmə, sosial yardım və pensiya təyin etdirmə vədləri ilə ümumilikdə 10 nəfəri aldadaraq, onların 30.000 manata yaxın pulunu mənimsəyib. Şəlalə İsmayılova şikayətlər əsasında polis tərəfindən saxlanılıb. O, əməlini etiraf edib.
Faktla bağlı cinayət işi başlanılıb.
