Daxili İşlər Nazirliyi (DİN) Bakıda 17 yaşlı məktəblinin intiharı ilə bağlı araşdırmalara başlayıb. İstintaq intiharının mümkün səbəbini açıqlayıb. Bu haqda bu gün, 4 may tarixində DİN-nin mətbuat xidməti bildirib.
İlkin araşdırmalara əsasən, Xumar Babayevanın intihar etməsinə səbəb imtahanda zəif nəticə göstərməsi olduğu müəyyən edilib.
Ötən gün, 3 may tarixində Bakının Xətai rayonunda intihar hadisəsi baş vermişdir. 11-ci sinifdə oxuyan Xumar Babayeva özünü Qədir Məmmədov küçəsində yerləşən binadan atmışdır. Şagird, onu tutmağa cəhd edən bina sakini 38 yaşlı Zahid Niyazovun üzərinə düşmüşdür.
Nəticədə qız yerindəcə keçinmişdir, kişinin isə vəziyyətinin ağır olduğu bildirilir.
