Bakıda tanışını bıçaqlamaqda təqsirləndirilən Kamran Rəhimovun cinayət işi üzrə ibtidai istintaq yekunlaşaraq baxılması üçün Bakı Ağır Cinayətlər Məhkəməsinə göndərilib. Bu haqda bu gün, 7 mart tarixində Report məlumat verib.
Cinayət işinə hakim Zeynal Ağayev tərəfindən baxılacaq. Məhkəmənin ilk iclasının vaxtı barədə məlumat hələ ki verilməyib.
Hadisə 2021-ci ilin may ayında paytaxtın Nəsimi rayonu, “Nəsimi bazarı” kimi tanınan ərazidə baş vermişdir. K.Rəhimov tanışı, 1995-ci il təvəllüdlü Əyyub Babazadə ilə əlbəyaxa dava etmiş və ona bıçaqla xəsarət yetirmişdir. Yaralı 3 saylı Kliniki Xəstəxanaya çatdırılmışdır, onun həyatını xilas etmək mümkün olmuşdur. Daha sonra Rəhmanov saxlanılmış və ona Qəsdən sağlamlığa ağır zərər vurma maddəsi ilə ittiham irəli sürülmüşdür. Məhkəmənin qərarı ilə o, həbs edilmişdir.
Oxşar iş üzrə daha bir məhkəmə prosesi də başlayır. Ötən ilin noyabrında Nizami rayonu, Bəkir Çobanzadə küçəsi, 41 ünvanında Pərvin Ağayev dostu, 1994-cü il təvəllüdlü Nahid Qarazadəni kürək və üz nahiyəsindən bıçaqlamışdır.
