Bakı İstintaq təcridxanasında həbsdə olan qadına narkotik keçirmək istəyən şəxs saxlanılıb. Bu haqda 28 mart tarixində Report məlumat verib.
Lənkəran rayon sakini Murad Həbibov Cinayət Məcəlləsinin “Narkotik vasitələrin satışı və ya saxlanması” maddəsi ilə təqsirli bilinərək həbs edilən qohumu Elazə Mustafayeva ilə görüşə gəlib. Həbibov gətirilən sovqatın içində olan cins şalvarın bel hissəsinə xüsusi üsulla tikilərək gizlədilən 1 ədəd sellofan bükülüdə ümumi çəkisi 0,226 qram heroin keçirmək istəyib.
Faktla bağlı araşdırma davam edir.
