Bakıda “Lexus”-un sürücüsünün motosikletçiyə qarşı zor tətbiq etməsi barədə rəsmi qurumlar münasibət bildirib. Bu haqda bu gün, 26 aprel tarixində Bakuplus.az Apa-ya istinadən xəbər verir.
Daxili İşlər Nazirliyinin mətbuat xidmətinin inspektoru Anar Qafarov bildirib ki, məsələ ilə bağlı araşdırma aparılır. İctimaiyyətə əlavə məlumat veriləcək.
Qafqazinfo-nun verdiyi məlumata görə “Lexus”-un sürücüsü Sultan Dadaşov Prezident Sarayının təminat şöbəsinin müdiri vəzifəsində çalışıb. 2022-ci ildən, o, Prezidentin İşlər İdarəsində inzibati xarakterli sıravi işə keçirilib.
Ötən gün sosial şəbəkələrdə minik avtomobilinin mopedə yol vermədiyi, daha sonra isə sürücünün motosikletçiyə zor tətbiq etdiyi barədə videogörüntülər yayılmışdır.
14:52 - Yenilənmə
Motosikletçiyə zor tətbiq edən vəzifəli şəxs saxlanılıb. Bu haqda bu gün, 26 aprel tarixində Bakuplus.az Apa-ya istinadən xəbər verir.
Məhkəmənin qərarı ilə, o, 25 sutka müddətinə inzibati qaydada həbs edilib.
