Bakının Nəsimi rayonunda gənс qız boğazını üzərək intihara cəhd edib. Bu haqda bu gün, 18 mart tarixində Bakuplus.az İTV-yə istinadən məlumat verir.
Belə ki, şəhərin mərkəzində yerləşən kafedən təcili tibbi yardım stansiyasına müştərilərdən birinin boğazından xəsarət alması barədə məlumat daxil olub. Hadisə yerinə təcili tibbi yardım cəlb olunub. Nəticədə 20 yaşlı qız huşsuz vəziyyətdə xəstəxanaya çatdırılıb. Dərhal tibbi müdaxilə edilib və onun həyatını xilas etmək mümkün olub.
Müəssisənin inzibatçısı Ceyhun Səmədov bildirib ki, qız evdə intihara cəhd edib: “Boğazını kəsdikdən sonra yaylıq bağlayaraq kafeyə gəlib. Daha sonra ürəyi gedib. Əməkdaşlarımız da kömək məqsədi ilə yardım göstəriblər. Yanlış anlaşılma olub. Elə biliblər ki, xanım boğazını bizim məkanda kəsib”.
Həmin qızın kafenin daimi müştərisi olduğu qeyd olunur.
Bildirilir ki, qızın atası bir müddət əvvəl həbsdən çıxıb. Son günlər ata ilə qızın arasında, sonuncunun geyim tərzinə görə mübahisələr baş verirdi. O, paltarın öz işi olduğunu bildirərək atasından qarışmamasını tələb edib və etiraz məqsədilə boğazını kəsərək özünə xəsarət yetirib.
