İsmayıllıda qızıl mağazasında soyğunçuluq edən şəxs Bakıda tutulub. Bu haqda 16 iyun tarixində Report məlumat verib.
İsmayıllı rayonunda qızıl-zinət əşyalarının alqı-satqısı mağazasına gələn şəxs 2100 manat dəyərində olan qızıl boyunbağını oğurlayıb. Polis əməkdaşlarının keçirdikləri əməliyyat-istintaq tədbirləri nəticəsində cinayəti törətməkdə şübhəli bilinən Bərdə rayon sakini, əvvəllər də oğurluq və dələduzluq əməllərinə görə məhkum olunmuş Elbəy İmanov Bakı şəhərində saxlanılıb. O, hadisəni törətdiyini etiraf edib.
İmanov boyunbağını Bakıda satıb, əldə etdiyi pulu isə əyləncə mərkəzlərində xərcləyib.
Faktla bağlı cinayət işi başlanılıb.
