Qadın telefonu qanunsuz olaraq 1 saylı cəzaçəkmə müəssisəsində cəza çəkən ərinə keçirməyə cəhd edib. Bu haqda 15 fevral tarixində Bakuplus.az Penitensiar xidmətə istinadən məlumat verir.
İmişli rayon sakini İlkanə Səmədova həyat yoldaşı Zülfü Kazımovla uzunmüddətli görüşə gəlib. Axtarış zamanı ondan əl çantasının içərisində gizlətdiyi “Samsung Duos” markalı mobil telefon aşkar edilərək götürülüb.
Zülfü Kazımov “Xüsusi amansızlıqla və ya ümumi təhlükəli üsulla qəsdən adam öldürmə” maddəsi ilə təqsirli bilinərək 14 il müddətinə azadlıqdan məhrum edilmişdir.
