Bakıda tanınmış bloger Nail Kəmərli qarət olunub. Bu haqda bu gün, 25 avqust tarixində o, öz İnstagram səhifəsində məlumat paylaşıb.
Onun sözlərinə görə, gecə saatlarında ona məxsus “Niva” markalı avtomobil naməlum şəxs və ya şəxslər tərəfindən qarət edilib. Belə ki, həmin şəxslər salondan videoçəkiliş üçün istifadə olunan kamera və bir neçə ləvazimatları oğurlayıb, həmçinin avtomobilin maqnitofonunu sındırıblar.
Bloger hadisənin narkotik alverçiləri tərəfindən təşkil olunduğunu düşünür. O bildirib ki, bu hadisə onun məlum fəaliyyətlərindən birincisi olub və bunu təzyiq kimi qiymətləndirib.
Nail Kəmərli Bakıda narkotik alveri və narkomaniya mövzusunu fəal şəkildə işıqlandırır. Bir müddət öncə o, “Papanin” kimi tanınan yaşayış massivində qaraçıların qanunsuz narkotik alverindən bəhs edən süjeti lentə almışdır.
