Bakıda həkim uşağın cinsiyyət orqanını kəsib. Bu haqda 3 fevral tarixində Xəzərxəbər məlumat verib.
Bakı xəstəxanalarının birində həkim səhvən uşağın cinsiyyət orqanının baş hissəsini tamamilə kəsib. Müəyyən olunub ki, o, lazer üsulu ilə sünnət edib və 2 yaşlı uşağın orqanını tamamən zədələyib. Bu səhvi edən şəxs ənənəvi sünnətçi yox, qeyri-ixtisas həkimi olub.
Həmin həkim, dərhal uşaq cərrahı Toğrul Ömərovdan kömək istəyib. Buza qoyulan cinsi orqanın baş hissəsi, 20 dəqiqədən sonra rekonstruktiv cərrahiyə əməliyyatından sonra təzədən yerinə tikilib, damarlar bərpa olunub. Nəticədə sünnət olunmuş orqanın 30%-i zədələnsə belə, onun 70%-i kəsilmiş baş hissəsini saxlaya bilir.
“Son vaxtlar bu cür hadisələrin sayı artıb. Hətta lazer üsulu ilə sünnət məsələsi də meydana gəlib. Halbuki dünya təcrübəsində belə lazerlə sünnət anlayışı yoxdur. Həkim bildirib ki, bütün ixtisaslardan olan həkimlər, məsələn, ginekoloq, travmatoloq, hətta kardioloq belə, sünnət edir. Valideynlər həkimdir deyib aldanmamalı, övladını ixtisas üzrə həkimə əmanət etməlidir. Əks təqdirdə qanaxma, hissəvi zədələnmə, dəri çürüməsi və digər hallar qaçılmaz olur”, - Toğrul Ömərov deyib.
