Bakı Ağır Cinayətlər Məhkəməsində jurnalistlərə hökm oxunub. Bu haqda Report bu gün, 2 mart tarixində xəbər verib.
Hakim Əfqan Hacıyevin sədrlik etdiyi iclasda hədə-qorxu ilə pul tələb etməkdə təqsirləndirilən jurnalistlər Asəf Novruzov və Məhsud Səfərov 7 il müddətinə azadlıqdan məhrum ediliblər.
Baş prokuror yanında Korrupsiyaya qarşı Mübarizə Baş İdarəsinin əməkdaşları tərəfindən saxlanılan Novruzov Asəf Baxşəli oğlunun həmin saytın əməkdaşı Səfərov Məhsud Səfər oğlu ilə qabaqcadan əlbir olaraq ayrı-ayrı vaxtlarda müxtəlif vəzifəli şəxslərin barələrində həqiqəti əks etdirməyən rüsvayedici məlumatların fəaliyyət göstərdikləri informasiya resurslarında dərc ediləcəyi ilə hədələmələri məlum olub.
Bundan əlavə, bu yolla onlardan ümumilikdə 2 900 manat pul vəsaitini hədə-qorxu ilə tələb etmələri istintaqa əlavə olunub.
