Fevralın 2-də Ceyranbatan kənd sakini R.Allahverdiyevanı aldadaraq 560 manat pulunu ələ keçirməkdə şübhəli bilinən şəxslər saxlanılıb. Bu haqda bu gün, 5 fevral tarixində Azərtac Daxili İşlər Nazirliyinin mətbuat xidmətinə istinad edərək məlumat verib.
Abşeron Rayon Polis İdarəsinin əməkdaşları apardıqları əməliyyat tədbirləri nəticəsində bu əməli törətməkdə şübhəli bilinən Bakı şəhər sakini, əvvəllər məhkum olunmuş N.Cabbarovu və Ağcabədi rayon sakini, əvvəllər məhkum olunmuş N.Mehdiyevi saxlayıblar.
Araşdırma zamanı Mehdiyevin oğurluq maddəsi ilə axtarışda olması məlum olub.
Faktla bağlı Abşeron Rayon Polis İdarəsi tərəfindən araşdırma aparılır.
