Bu gün, 19 fevral tarixində Zərdabın Çallı kəndində baş vermiş yanğında 1-ci sinif şagirdi Əhmədli Gülməmməd və nənəsi ağır yanıq xəsarətləri ilə Bakı şəhərinin 5 saylı şəhər klinik xəstəxanasına yerləşdiriliblər. Bu haqda məlumat sosial şəbəkələrdə yayılıb.
Yanğın zamanı evdə olan 29 yaşlı Pərvanə Əhmədova və onun 9 yaşlı qızı Gülayə Əhmədova yanaraq həlak olublar. Onların yanmış meyitləri FHN əməkdaşları tərəfindən aşkar olunaraq aidiyyəti üzrə təhvil verilib.
Hadisə ilə əlaqədar müvafiq qurumlar tərəfindən təhqiqat aparılır.
