Zaqatalada paytaxt sakini piyadanı vurub. Bu haqda 2 mart tarixində APA məlumat verib.
Zaqatalada martın 1-i axşam saat 22:30-da 54 yaşlı Bakı şəhər sakini Azər Abbasov idarə etdiyi "VAZ 21074" markalı 99 VS 781 dövlət nömrə nişanlı minik avtomobili ilə yolu keçən 63 yaşlı Əliheydər İslamovu vurub.
Yaralı müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasının reanimasiya şöbəsinə yerləşdirilib. Hal-hazırda onun vəziyyətinin ağır olduğu bildirilir.
Faktla bağlı araşdırma davam edir.
