Ötən gün Bakıda Argentina mədəniyyətinə həsr olunmuş gecə keçirilib. Bu haqda bu gün, 25 noyabr tarixində Bakuplus.az Report-a istinadən məlumat verir.
Tədbir bu ölkənin Azərbaycandakı səfirliyinin dəstəyi ilə təşkil olunub. Argentinanın Azərbaycandakı səfiri Marianxeles Belluççi gecənin bu ölkənin mədəniyyətinin ən populyar iki elementinə – malbek və tanqoya həsr olunduğunu qeyd edib.
“Malbek – gavalı və albalı kimi xoş meyvəli ətirlərə malik zəngin bənövşəyi-qırmızı rəngli şərabdır. Hazırda malbek şərabının əsas istehsalçısı məhz Argentinadır.
Tanqo isə öz növbəsində xalqımızın temperamentini təcəssüm etdirən rəqsdir. Biz rəqsin Azərbaycan və Argentina mədəniyyətləri arasında necə körpü ola biləcəyini nümayiş etdirəcəyik”, – səfir deyib.
Gecənin qonaqları Argentinaya həsr olunmuş rəsm sərgisi ilə tanış olublar.
[caption id="attachment_121040" align="alignnone" width="640"]
Foto Report.az[/caption]
