Sabunçu rayonu, Qamboy Vəzirov küçəsində aparılan söküntü işləri sakinlərin narazılığına səbəb olub.
Bakuplus.az-ın məlumatına görə, sökülən evlər arasında məşhur sovet kəşfiyyatçısı Rixard Zorgenin (1895-1944) yaşadığı ev də var.
Şikayətçilərin sözlərinə görə, həmin evin sökülməyəcəyini desələr də, evi dağıdıblar və hətta bildirilir ki, binanın alt mərtəbəsində hələ də yaşayış var.
"Binanın birinci mərtəbəsində 3 ailə qalmışıq. Şəhərsalma və arxitektura komitəsi bu evlərin sökülməsinə icazə verib. Bəs sabah bu ev başımıza uçsa, qəza baş versə, ölüm olsa hansı dövlət qurumu cavab verəcək? Sosial şəbəkələrdə yazırlar ki, evlərin kvadratına 2500-2800 manat veriləcək. Ancaq 1350 manat təklif edirlər", - deyə şikayətçi sakin bildirib.
Narazı sakinlər aidiyyəti qurumlardan məsələyə müdaxilə edilməsini tələb edirlər.
