Bakının Sabunçu rayonunda 39 yaşlı Pərviz (ad şərtidir – red.) həyat yoldaşına xəsarət yetirməkdə təqsirli bilinib.
Hadisə ailə münaqişəsi zəminində baş verib. İstintaqa görə, evin mətbəxində həyat yoldaşı ilə mübahisə edən Pərviz qadının sinəsinə yumruq, ayağına isə təpik zərbəsi endirib.
Pərviz ifadəsində maddi çətinliklər və borclar səbəbindən tez-tez spirtli içki qəbul etdiyini bildirib. Hadisə günü də sərxoş vəziyyətdə evə gəlib. Həyat yoldaşı ondan niyə içki qəbul etdiyini və evə ərzaq almadığını soruşduqda aralarında mübahisə yaranıb.
Təqsirləndirilən şəxs əməlindən peşman olduğunu, həyat yoldaşı ilə barışdığını və qadının ona qarşı şikayətinin olmadığını deyib.
Abşeron Rayon Məhkəməsinin hökmü ilə Pərviz 1200 manat cərimələnib.
mənbə: demokrat.аz
