Abşeron rayonunun Masazır qəsəbəsində Qax rayon sakini, 1990-cı il təvəllüdlü Fazil arvadı Esmiraya (adlar şərtidir – red.) xəsarət yetirib.
Məlumata görə, 2026-cı ildə ailə həyatı quran cütlüyün övladı yoxdur. Hadisə gecə saat 22 radələrində Fazilin evə gəlib yemək istəməsi ilə başlayıb. Esmira yeməyin hazır olmadığını deyəndə ər-arvad arasında mübahisə yaranıb.
Fazil arvadının sifətinə və başına yumruqla zərbələr endirib, yerə yıxıldıqdan sonra isə təpiklərlə vurmağa davam edib. Zərərçəkmiş hadisədən sonra bacısının evinə gedib.
Fazil əməlini etiraf edərək peşman olduğunu bildirib.
Abşeron Rayon Məhkəməsinin hökmü ilə o, 4 ay müddətinə azadlığın məhdudlaşdırılması cəzasına məhkum edilib.
Mənbə: demokrat.az
