Bakıda 1973-cü il təvəllüdlü Saleh həyat yoldaşı Hicrana (adlar şərtidir – red.) xəsarət yetirib.
Hadisə qadının 11 yaşlı övladını atasına xəbər vermədən məktəbdən götürərək özü ilə aparması səbəbindən baş verib.
İstintaqa görə, Saleh uşağın həftəsonları onun yanında qalması barədə razılaşdıqlarını bildirib. Mübahisə zamanı kişi həyat yoldaşının saçından dartıb və sol qolunu buraraq ona xəsarət yetirib.
Məhkəmədə ifadə verən Saleh Hicranla 2002-ci ildə ailə qurduqlarını və üç övladlarının olduğunu bildirib. Onlardan birinin vəfat etdiyini deyən təqsirləndirilən şəxs son 5-6 aydır həyat yoldaşının anasıgilə köçdüyünü qeyd edib. O, Hicranla aralarında ailədaxili mübahisələr olsa da, əvvəllər polisə müraciət edilmədiyini söyləyib.
Saleh əməlinə görə peşman olduğunu və boşanmaq üçün məhkəməyə müraciət etdiyini də bildirib.
Sabunçu Rayon Məhkəməsinin hökmü ilə Saleh aylıq qazancının 15 faizi dövlət nəfinə tutulmaqla 1 il müddətinə islah işləri cəzasına məhkum edilib.
mənbə: demokrat.az
