Bakıda fəaliyyət göstərən aktiv müəssisələrin sayı 2025-ci ildə əvvəlki illə müqayisədə azalıb.
Bakuplus.az-ın Dövlət Statistika Komitəsindən əldə etdiyi məlumata görə, 2024-cü ildə paytaxtda aktiv müəssisələrin sayı 3 095 olduğu halda, 2025-ci ildə bu göstərici 2 816-ya enib.
Beləliklə, Bakıda aktiv müəssisələrin sayı bir il ərzində 279 ədəd və ya təxminən 9 faiz azalıb.
Qeyd edək ki, ölkə üzrə aktiv müəssisələrin ümumi sayı da azalıb. Belə ki, 2024-cü ildə Azərbaycanda 5 355 aktiv müəssisə qeydə alındığı halda, 2025-ci ildə bu rəqəm 4 831 olub. Bu da 524 müəssisə və ya təxminən 9,8 faiz azalma deməkdir.
