Bakı Ağır Cinayətlər Məhkəməsində quldurluqda təqsirləndirilən Zakir Kəlbiyevin (soyadı şərtidir) cinayət işi üzrə hökm oxunub. O, 4 il 6 ay müddətə azadlıqdan məhrum edilib.
İttihama görə, hadisə bu il saat 19 radələrində Bakı şəhəri, Nəsimi rayonu, Süleyman Rəhimov küçəsində yerləşən "Tesla" parkının qarşısında qeydə alınıb.
Belə ki, Zakir Kəlbiyev tanışından zəng etmək bəhanəsi ilə 30 manat dəyərində "İnoi" markalı telefonunu istəyib. Daha sonra əlavə pul tələb edib. Zərərçəkmiş telefonunu geri istədikdə, təqsirləndirilən şəxs ona yumruq və təpiklərlə çoxsaylı zərbələr endirib.
Zakir Eynurun üzərində olan 106 manat nağd pulu və daha əvvəl götürdüyü telefonu ələ keçirərək hadisə yerindən uzaqlaşıb.
Beləliklə, zərərçəkmişə 30 manatlıq telefon, 10 manatlıq SİM kart və 106 manat nağd pul olmaqla, ümumilikdə 146 manat maddi ziyan vurulub.
Mənbə: pravda az
