Bakının Nəsimi və Səbail rayonlarının bəzi ərazilərinə su verilmir.
Qafqazinfo.az xəbər verir ki, vətəndaşlar bununla bağlı sosial şəbəkələrdə məlumat paylaşıblar.
Onlar bildirib ki, Badamdar qəsəbəsinin bəzi yerlərində iki gündür su yoxdur. Eyni problem 6-cı mikrorayonda da yaşanır.
Belə ki, susuz qalan vətəndaşlar müxtəlif yerlərdən öz mənzillərinə su daşımağa məcbur olublar.
Məsələ ilə bağlı İri Şəhərlərin Birləşmiş Su Təchizatı Xidmətindən bildirilib ki, qeyd olunan ünvanlarda içməli su xəttində qəza baş verib:
"Hazırda müvafiq rayon sukanal idarələrinin qəza briqadaları tərəfindən intensiv bərpa işləri görülür. Gün ərzində işlər yekunlaşdırılacaq, suyun verilməsi bərpa ediləcək".
