Bayram günlərində Bakının Nizami rayonu, Elşən Süleymanov küçəsi, 72A ünvanında yerləşən yaşıllıq ərazidə tikilən hasar sökülüb. Bu haqda bu gün, 14 noyabr tarixində Bakuplus.az “Bakı Gündəliyi” Facebook səhifəsinə istinadən məlumat verir.
Əraziyə Azərbaycan Respublikasının Dövlət Şəhərsalma və Arxitektura Komitəsi tərəfindən cəlb olunmuş müvafiq qurumlar sahəni təmizləyiblər.
Daun Sindromlu Şəxslərin Reabilitasiya Mərkəzi, 1 nömrəli Uşaq Evi, 220 nömrəli məktəb-liseyin yerləşdiyi yerdə olan balaca parkın ərazisində restoran açmaq istəyirdilər. Bu səsəbdən də yaşıllıq zonasında olan ağaclar qəsdən qurudulurdu.
Ərazidə yaşayan sakinlər tikintinin qarşısının alınmasına görə aidiyyəti qurumlara təşəkkür edir, parkın bərpası üçün səy göstərəcəklərini bildirirlər.
