Bakı sakini təcili yardım briqadasını səhlənkarlıqda ittiham edib.
Media.az xəbər ki, Günel Sadıqova toy zamanı özünü pis hiss edən, bədəninin sol nahiyəsində uyuşma olan qonaqlardan biri üçün təcili yardım çağırıldığını bildirib. Həkim Günel Abdullayeva və tibb bacısı Nəzakət Cəfərova xəstənin tezliklə özünü yaxşı hiss edəcəyini söyləyərək, iynə vurmaqla kifayətləniblər. Onlar xəstəni xəstəxanaya aparmaqdan imtina ediblər.
Daha sonra məlum olub ki, özünü pis hiss edən xanım insult keçirib. O, iki gün reanimasiyada yatıb. Onun vəziyyəti hazırda stabildir.
Məsələ ilə bağlı TƏBİB-dən bildirilib ki, xəstənin yaxınlarından biri tibb işçilərinə aqressiv münasibət göstərib. Xəstə və ailəsi isə göstərilən tibbi xidmətin keyfiyyətindən razı qaldıqlarını bildiriblər.
