Milli Təhlükəsizlik Nazirliyinin (ləğv edilib – red.) Antiterror Mərkəzinin rəisi işləmiş general mayor Elçin Quliyev uzunmüddətli həbsdən sonra azadlığa çıxıb.
O, 10 il 6 aylıq həbs müddətini günə-gün başa vurub.
Elçin Quliyev cəzasını sona qədər 9 saylı cəzaçəkmə müəssisəsində, ciddi rejim şəraitində çəkib.
Qeyd edək ki, MTN-in vaxtlarında yüksək vəzifələrdə çalışan E.Quliyev 2015-ci ildə həbs edilib. O, rüşvət alma, hədə-qorxu ilə tələb etmə, quldurluq, qanunsuz azadlıqdan məhrumetmə və başqa ağır cinayətlərdə təqsirli bilinib.
Mənbə: qafqazinfo.аz
