Azərbaycanda uşaq zorakılığı faktı qeydə alınıb. Bu haqda Oxu.az “Təmiz Dünya” Qadınlara Yardım İctimai Birliyinin sədri Mehriban Zeynalovaya istinadən məlumat verib.
Zeynalovanın sözlərinə görə, uşağın anası 13 yaşında sevgilisi ilə qaçıb, daha sonra 16 yaşında ailə qurub, oğlu dünyaya gəlib.
“Uşaq dünyaya gələndən sonra qadın onu nənəsinin yanına qoyub ki, nənə ona baxsın. Dəfələrlə geri qayıdaraq uşağa fiziki zorakılıq edib. Nənə bildirir ki, uşağı sonuncu dəfə ondan götürərək aparıblar. Yolda uşaq özü maşından düşüb, qaçmağa çalışıb.
Nənə Səbail Rayon İcra Hakimiyyətinin qəyyumluq şöbəsinə müraciət etsə də, onun şikayətinə hələ də cavab verilməyib. Hazırda uşaq nənəsinin yanındadır, çox qorxur”, - məlumatda deyilir.
