"Baza minimumu" hitinin ifaçısı SABI ABŞ-da özəl tədbirdə çıxışına görə 100 min dollar (təxminən 170 min manat) qonorar aldığını açıqlayıb.
Əsl adı Səbinə Məmmədova olan müğənni bu məbləğin indiyədək aldığı ən böyük qonorar olduğunu bildirib.
"Məni SABI kimi tədbirə dəvət etmək təmtəraqlı addımdır", – deyə sənətçi qeyd edib.
Məlumata görə, Rusiyada müğənninin bir saatlıq çıxışı üçün aldığı qonorar isə xaricdəki məbləğdən təxminən 14 dəfə azdır və 600 min rubl (təxminən 12 200 manat) təşkil edir.
Moskvada keçirilən çıxışlar zamanı bu məbləğə sənətçinin tələblər siyahısı da daxildir. Digər şəhərlərdə isə təşkilatçılar əlavə olaraq onun rahatlığı üçün nəzərdə tutulan tələbləri qarşılamalıdır.
Səbinənin tələbləri arasında beşulduzlu və ya şəhərin ən yaxşı hotellərindən birində yarımlüks nömrənin təqdim olunması da var. Qrim otağında iki köynək, iki mayka, corab, dəsmal, telefon üçün şarj cihazları, elektrik uzadıcısı, kabel və elektron siqaretlərin olması tələb olunur.
Qida menyusunda ət, tərəvəz, pendir və meyvə assortiləri, sendviçlər və isti yeməklər yer alır. İçkilər arasında "Coca-Cola", mineral su, enerji içkiləri və iki şüşə ağ şərab qeyd olunur.
Hazırda Rusiyada fəaliyyət göstərən SABI "Baza minimumu" mahnısı ilə geniş populyarlıq qazanıb. Müğənni özünü dünya ulduzu kimi təqdim edir.
