Noyabrın 16-da Binəqədi rayonunda 23 yaşlı Gülarə Mehdiyevanın qətlə yetirilməsi ilə bağlı yeni təfərrüatlar məlum olub.
Atası Ağa Mehdiyev bildirib ki, hadisədə ittiham olunan oğlu Ayxan Mehdiyev əvvəllər psixoloji problemlərlə bağlı müalicə alıb. Son iki ayda vəziyyəti ağırlaşıb, gecələr yata bilməyib.
Atanın sözlərinə görə, digər 16 yaşlı oğlu onkoloji xəstəlikdən əziyyət çəkir və Türkiyədə müalicə olunur. Bu səbəbdən Ayxanla kifayət qədər maraqlana bilməyib.
Ağa Mehdiyev həbsdə olan oğlu ilə görüşdüyünü, lakin onun hələ də özündə olmadığını bildirib.
"Mən özümü qınayıram ki, onu niyə vaxtında həkimə aparmadım. Əslində həkimə zəng etdim, dedi məzuniyyətdəyəm, sonra səhlənkarlıq etdim aparmadım".
"İndi qızımın yarımçıq rəsmləri qalıb evdə… O, həmişə öz sənətinə fikir yönəldirdi. Bu hadisə ailəmiz üçün böyük zərbə olub".
Mənbə: qafqazinfo.az